《使徒行者3》開拍!宣萱點名古天樂張智霖參演

KarenTay     2018-01-12     92     檢舉

《使徒行者2》作為2017年TVB重頭戲之一,從開拍到開播就已經備受關注。

但大家都知啦,好多電視劇開拍第二部有90%都係唔好睇嘅!《使徒行者2》同樣都係不負眾望,即使有宣萱、三哥、歡喜哥撐場都冇用,因為有一個黃翠如就已經毀曬成部戲啦~

啱啱播完使徒行者官方微博就已經放出風聲,第三部敬請期待!

唔係掛!第二部已經被人鬧到咁了,你仲來啊?真係想問監製一聲,今次你係咪有信心噶?唔好再拍啲爛劇出來hea我地好哦!

《使徒行者2》雖然口碑唔好,但入邊嘅主角基本上都入圍咗萬千星輝頒獎典禮嘅候選名單。

近日,作為女主角宣萱被問到未來有咩嘢計劃時候,佢都表示:但只會選自己想做的,暫時只有一部,貴精不貴多!

咁《使徒行者》按照宜家嘅勢頭,相信第三部都會係大製作嘅,所以問到會唔會續集參演《使徒行者3》時候,宣萱都表示:繼續開拍《使徒行者3》嘅話要先睇對手先會接拍,好似今次跟陳豪嘅對手戲,佢就係我參演《使徒行者2》嘅其中一個原因。

《使徒行者2》最後陳豪被歡喜哥射咗10幾槍,斷估主角光環點樣犀利都唔會翻生噶啦!所以呢,基本可以肯定第三部冇陳豪。

如果冇陳豪,宣萱都表示:仲有張智霖或者古天樂吧,但古天樂未必會理會我。

講起佢地三個,好多年輕嘅朋友就會問,乜佢地有合作過噶咩?呢個問題真係暴露年齡啦,佢地三個喺經典之作《天地男兒》就合作過啦~

宣萱回歸tvb之後參加咗《不懂撒嬌的女人》《使徒行者》,認真係貴精不貴多。今次參演都係睇在陳豪有對手戲份上,第三部如果想宣萱繼續參演tvb真係要落啲力。

古天樂從2001年離巢進入電影圈之後,真係冇見過佢再參演tvb電視劇,《尋秦記》係古天樂喺TVB的最後一部作品,而咁啱又係同宣萱做對手戲。

如果TVB真係咁犀利,班到古天樂翻來救場咁就真係犀利,但離開tvb之後古天樂就冇拍過電視劇,宜家突然又從電影圈跳翻入電視劇,可能性大概係微乎及微!

而另一位張智霖,反而可能性就大好多了~喺TVB都參演過唔少經典角色。

遠嘅有《祝君好》初哥哥、近嘅又有《衝上雲霄II》cool魔,所以如果今次使徒行者如果邀請張智霖都唔系冇可能,睇下落幾分力去搵啦~

宣萱都開到口,點名要古天樂、張智霖合作,咁樣嘅組合的確係無敵~TVB、《使徒行者》劇組識做啦

雖然參演嘅人好重要,但劇本都好緊要,希望第三部《使徒行者3》可以好好地,如果「爆Seed」、「釘姐」回歸就更好啦!